I CAN'T BREATHE!!

-

4th June, 2020


I CAN'T BREATHE!!






"I can't breathe!"
"I can't breathe!"
George Floyd, तिमी निकै छट्पटायौ,
निर्जिव हुँदै गईरहेको तिम्रो शरीर,
निर्जिव भईसकेको त्यो पुलिसको अमानवीय घुँडा
तिम्रो घाँटिमा झन््झन् धस्सिदा,
"I can't breathe" बाहेक तिमीले केही भन्नै सकेनौ,
छट्पटायौ,
एक-एक चिम्टी सासको लागि तड्पियौ,
अनि हार खायौ।
तिमी लास भयौ,
अनि तिमी लास मात्र भएनौ,
एक झिल्का भयौ
र वर्षौदेखि थिग्रीएका,
दबिएका अनि स्वंम दबाईएका,
बेवस्ता गरिएका दमित आवाजहरु -
ती परालका चाङ्गहरु -
तिमीले व्हार्व्हार्ती आगो लगाईदियौ,
ती अब भुसभित्रका आगा रहेनन्,
ती त खुब जले,
खुब प्रकाश अनि रापका साथ बले, 
बल्दैछन्,
डढेलोझैं फैलिए, 
फैलिदैछन्,
अनि चारैतिर तिम्रो मृत्यु अघिको रोदन
शक्तिमा बदलिंदै
मुटु छेड्ने नारा बने, 
बन्दैछन्,
"I can't breathe! I can't breathe!"
आधुनिक युगमा पनि तिमीले
आफ्नै पुर्खाको नियती भोग्यौ!
कस्तो बिडम्बना!
जातिय भेदको, हिंसाको अमानवीय श्रृङखलाहरुमा
एउटा अर्को दु:खद शृङ्खला भई जोडियौ।
ती अनेक अश्वेत मानिसहरुको लहरमा उभियौ,
जसलाई मुर्दा बनाईए,
श्वेत श्रेष्ठताको अहंकारले,
तिमी तस्विर भई झुन्डियौ,
भित्ता भित्तामा पोतियौ,
तिमी एक व्यक्ती मात्र रहेनौ,
तिमी एक आन्दोलन बन्यौ,
एक नयाँ क्रान्ति बन्दैछौ।
"I can't breathe!"
Floyd तिम्रो पुकार अहिले सबैले सुने
"I can't breathe"
"I can't breathe"
तिमीले मात्र भनेनौ Floyd,
अफशोस् कि यो दुनियामा अरु धेरैले भने,
मौनतामा भने, भनेर गए,
चित्कारमा भने, भनेर गए,
अडिन नसकेको आँशुमा भने, भनेर गए,
बाध्यताको हाँसोमा भने, भनेर गए,
यहाँ धेरैले नै भने "I can't breathe!"
हो निकै धेरैले भने।
मेरै देशमा हेर न,
सहरमा जीवन खोज्दै गरेको मधेशिमुल नेपाली
"धोती, भेले, मदिशे, भैया" भनि चिन्हित गरिँदा
उनिहरुको आत्मसम्मानले भन्दैन के
"I can't breathe"?
या भेरीमा बगाईएको नवराजको लासलाई हेर,
पानीको एक एक सास फेर्दा,
हलुको हुँदै गएको उसको ज्यानले भनेन होला के
"I can't breathe"?
अनेकौ थुप्रै तिमीजस्तै थिए यहाँ
जसले अवश्य नै भने "I can't breathe"
तर उनीहरु केवल समोसाको तेल लागेको
च्यातिएको पत्रीकाको एक टुक्राको
एउटा कुनाको समाचार मात्रै रहे,
उनीहरु अदृश्य भए,
तिमी दृश्य भयौ,
उनीहरु झिल्का बनेनन्,
जुन तिमी बन्यौ,
सायद तिम्रा मान्छेहरुमा
संवेदनाको, सहनाशीलताको गाग्रो
पिँधसम्म भरिएको थियो होला,
तिमी त्यो अन्तिम थोपा बनी झर्यौ
जसले गाग्रोको पानी पुरै छ्चल्काईदियौ।
मेरो यहाँ मान्छेहरुसँग
त्यो गाग्रो निकै गहिरो छ सायद,
जसको भरिने कुनै ठेगान छैन,
सायद कहिले भरिने पनि छैन।।


Image: by Omer Messinger / Sipa / AP

Comments

Post a Comment

Popular posts from this blog

जेम्स डि. वाट्सनसँगको साक्षात्कार: सपना

-
Image
जेम्स डि. वाट्सनसँगको साक्षात्कार: सपना May 14th, 2020 १४ मे, बिहिबारको दिन। अघिल्लो रात, ए रात होइन, अघिल्लो रातको भोलिपल्ट सबेर बिहान ५ बजेतिर निदाएको हुँला। के गर्नु? यो लकडाउनले गर्दा घरमै बस्नुपर्ने बाध्यता। खासै गर्नुपर्ने काम नभएपछी खाली खाने, अलि पढेजस्तो गर्ने, फिलिम हेर्ने, सुत्ने एवम् काम मात्रै त भयो। पुरै sleep cycle नै फेरिएको छ! अबेर झण्डैझण्डै मध्यान्नको बेला आँखा खुल्यो। एउटा छुट्टै किसिमको आश्चर्यताले मस्तिष्कमा बास गर्यो। क्या मज्जाको सपना देखेछु! एकमन आँखा चिम्लिएर सपना फेरी निरन्तर हुन्छ कि भनेर प्रयास नगरेको पनि होईन, तर ब्युझिँएपछी के लाग्थ्यो र। सपना पनि के देखेँ? एक तरिकाले भन्दा सपनामा भगवान नै देखेछु - बायोलोजिकल साईन्सका एक भगवान नै हुन् उनी। सानो हुँदा एकचोटी सपनामा सत्य साई बाबालाई देखेको थिए - उनी गन्जी लगाएर क्यारम खेलिरहेका थिए। निकै उत्साहित हुँदै आमालाई सुनाएको थिए। आमा पनि अचम्म परेकी थिईन्। त्योबेला म धर्मकर्ममा खुब आस्था राख्थेँ। अहिले भने त्यो क्षण सम्झिँदा हाँसो लागेर आउँछ। हुर्किंदो बेला धार्मिक टनिक घरबाटै पिईरहेको म बबुरोल...
Read more

एक चम्चा चिनी

-
Image
2nd Jan 2020 एक चम्चा चिनी हालेर चिया सुरुप्प पारेँ , आश्चर्य!! नुनिलो लाग्यो , चिनी कम भयो भनी एक चम्चा अझै थपे , झनझन नुनिलो लाग्यो , बास्नादार चियापत्ती पनि हालेकै थिएँ , तर चिया त पसिना पसिना गनाह्यो , अनि ख्याल आयो , उँखु किसानहरु त सिँहदरबार अगाडि आँसु झार्दैछ्न्।। Image: from  https://www.business-humanrights.org
Read more

के देख्छ सिउंडीको फूलले?

-
Image
7th Dec, 2019 चौकोर कोठाको एक कुनामा एउटा पलङ लडिरहेको छ सायद कैयौं वर्षदेखि यसरी नै लडिरहेको होला, अनेकन मान्छेहरु यही पलङमाथी लडेका होलान, थाकेका जीउ, अल्छेको जीउ, बिरामी जीउ, यौनले उन्मादित जीउ, नजाने अनेकन जीउ यसमाथी उत्तानीएका होलान, घोप्टिएका होलान, हजारौ कोल्टे फेरेका होलान, कति सपना देखेका होलान? दिनका सपना छुट्टै, रातका छुट्टै, के सपना देखे होलान? फूल देखे होलान, आकाश देखे होलान, हरिया चौर अनि समतल फाँट देखे होलान, कुनै अवसादका देखे होलान, बिछोडका देखे होलान,  मिलनका देखे होलान, सोचेका देखे होलान, नसोचेका देखे होलान। ती सपना देख्ने मानिस  अहिले कहाँ होलान? के गर्दै होलान? ती अहिले पनि कतै न कतै सपना त अवश्य देख्दै होलान। अनि विपना नि? अँ, त म पलङको पो कुरा गर्दै थिए! ती मानिस जस्तै म अर्को मानिस यहीँ पलङमा लड्दैछु अहिले, सपना त म पनि देखिरहेको छु, खुला आँखा लिएर, तर म के देख्दैछु? बोध छैन मलाई, बाहिर गमलामा फुलेको सिँउडीको फूललाई...
Read more